మధ్యప్రదేశ్ గవర్నర్ లాల్జీ టాండన్ అనారోగ్యంతో కన్నుమూత

మధ్యప్రదేశ్: గవర్నర్ లాల్జీ టాండన్ అనారోగ్యంతో కన్నుమూశారు. జూన్ 11న ఆయన శ్వాసకోశ సంబంధిత వ్యాధితో లక్నోలోని ఆస్పత్రిలో చేరారు. కొద్ది రోజుల క్రితమే ఆయన పరిస్థితి విషమించింది. అప్పటి నుంచి మూత్రపిండాల,కాలేయం.ఊపిరితిత్తులు పని చేయకపోవడంతో వెంటిలేటర్ పై ఉంచి చికిత్స అందించారు. ఆయన శరీరం వైద్యానికి సహకరించక మంగళవారం ఉదయం ఆయన కన్నుమూశారు. ఆయన వయస్సు 85 సంవత్సరాలు. టాండన్ మరణంతో ఉత్తరప్రదేశ్ గవర్నర్ ఆనందీబెన్ పటేల్ కు మధ్య ప్రదేశ్ గవర్నర్ గా అదనపు బాధ్యతలు అప్పగించారు



మాజీ ప్రధాని అటల్ బిహారీ వాజ్ పేయి అనుచరుడిగా భారతీయ జనతా పార్టీతో ఆయన రాజకీయ జీవితం పెనవేసుకుపోయింది. యూపీ రాజకీయాలలో ఆయనది ఘనమైన చరిత్ర. మాయావతి (సంకీర్ణ ప్రభుత్వం), కల్యాణ్ సింగ్ మంత్రివర్గాలలో ఆయన మంత్రిగా కూడా పనిచేశారు. ఆర్ఎస్ఎస్ తో మొదటి నుంచి అనుబందం ఉన్న నేతగా ఆయన గుర్తింపు పొందారు.